Thursday, July 17, 2008

|[ بَعْد التخرج ~

بسم الله الرحمن الرحيم
السلام عليكم و رحمة الله و بركاته
" بعد التخرج "
الحين تقريبا عقب شهرين ، بكمل سنه كاامله من تخرجت ،,
صدف اني يوم تخرجت , تعب علينا الوالد و بما اني انا الوحيده كنت فاضيه وبلا شغل ولادراسه
فـ قمت كله اقعد وياه و اشوف اموره و دوياته و اكله وجيه
طبعاً مب اروحي
لكن تقريبا فتره اللي هم محد اخواني و خواتي محد
انا اكون عنده ،
فـ من بعد التخرج اوراقي كانت زاهبه ، غير اني ما سرت اقدم للشغل
و مر الشهر و الشهر اللي بعده ، و كله اقول بروح و لا يطلع لي شي و التهي عنه
كل من شافني
لامني ،’
يقولي ليش ماقدمتي ووووووو
بس تبون الصراحه
انا مب مضايجه لاني ماشتغلت !! و استغرب من هاللي هم تييهم شرات الاكتئاب و يقولون نبا نشتغل وووو
انا تقريبا ما احس انه وقتي فاضي !
ستين الف شغله عندي في اليوم
اقعد ويا الاهل ، النت . اتعلم شي يديد ( الفورمات ، بعض المشاكل اللي تصير في الكمبيوتر تقريبا قمت احلها بروحي بدون ما اطرش للمهندس + اضبط لابات خواتي )
الطبخ > انا اعرف اطبخ و اجرب ، لكن وقفت من دخلت الجامعة .. و الحين خص هالفتره بعد ما سافرت الخدامه قمت انا اطبخ و الحمدلله ما يتم شي في الصحون
و مرات صدق يعني ما يكون عندي شي ،
لكن
الحمدلله ماوصلت لـ حالة اني " اكتئب " عسب اني ما حصلت شغل !
( للعلم ، قدمت قبل فتره ، ان حصلت ، الحمدلله . و ان ماحصلت ، الحمدلله بعد ،، وصح ، في فكرة في بالي اني اسوي بزنس روحي. بس انرتب الافكار و تستقر الامور)
،,
فضفضه كانت تجول في خاطري و حبيت اني اشاركم اياها
في حال انه حد شراتي . في سالفة الشغل و مب مضايجتنه .!!
وشكراً

6 comments:

Anonymous said...

لو كنت بحاجة للمال لكنت شعرت بالإكتئاب و جميع أمراض العصر

الله يطول بعمر الوالد و يخليه ذخر لكم

أحمدي ربج أختي محد شراتي


مـ

|[ محد شراتي ]| said...

صح كلامج\ك

مرات ما اخفي هالاحساس اني اضيج

لكن مب هاك الضيج اللي انه ما اقدر اتحمله

في اشيا ثانيه اقدر اني اسويها و انسى هالاحساس و انشغل في حياتي الاجتماعية اللي تلهيني عن الشغل ><"

//

اللهم امين ، شكراً

و الحمدلله ع كل حال و ترا كل شي مكتوب ، جان اشتغلناولا تمينا بلا شغل

،
مره ثانيه شكرا ع الرد " مـ "

lil.D said...

بصراحه اول شي كان عادي
بس انا كم شهر واكمل السنتين
صراحه وصلت مرحله الاكتئاب
لاني ما اطلع مكان ابدا .. نادرا ما اطلع
وأكيد وايد صعبه انج بعد ما كنتي تداومين من الصبح للمسا فالجامعه اربع سنين ونص او اكثر .. تقعدين فجأه فالبيت بوقت فراغ كبير!!

حاولت وايد اشياء .. منها تعلم برامج التصميم .. صيانه الكمبيوتر .. الطبخ .. وضع الميك اب .. تصميم الازياء ... والديكور .. واشياء كثيره

ولكن مازلت ابحث عن عمل ليرتب حياتي .. مثل ماكان لي جدول معين فالجامعه !!



ووو شكرا ^_^

|[ محد شراتي ]| said...

><"

ليل دي ترا الحال الا من بعضه ، حتى السفر ما سافرته ولا طلعت اغير جو

يدوب كم مره سرت بوظبي و تكون ع السريع وانا ما ارتاح ،، اصلا قعدة العين احبها اكثر حتى لو ما اظهر

صح اني اتضيج بس بعد غير العين !!

+

حلوه عيل هالاجازه اللي خلتج تتعلمين هالاشيا

//

ان شاء الله بييج الشغل اللي يلهيج و يعوضج عن هالملل

و يرزقنا بعد بالشغل جان الله كتب لنا

: )

شكرا ليل ع الكومنت

Anonymous said...

اختي محد شراتي .. ماشاء الله عليج .. شو هالمدونه الغاوية
الصراحه بالصدفه دخلتها مدونتج وحبيت اني اكون من ضمن المشاركين
^__^

اختي .. الفراغ قاتل .. وان استغليناه في شي مفيد أكيد ما بنحس بالملل او بنحس بالإكتئاب ..
صح انتي مر فتره على تخرجك وفتره طويله ومايقرب الاكثر من سنه
لكن حاولتي تسوين اشياء تنسين الفراغ
فهاي الطريقة الصحيحه

حتى الطبخ .. انا اشوف ان حرمه سوت الاكل في البيت ناكله اكثر من أكل البشكاره

عسى الله يطول في عمر والديج ويعطيهم الصحه والعافية

وان شاء الله نكون من متابعين مدونتج




اخوج منصور الظاهري
^__^

|[ محد شراتي ]| said...

شكرا منصور ع الطلة الجميله في مدونتي

بالنسبه للي قلته

انا صح كملت سنه .. بس كل من شافني يقولي ليش ماشتغلتي وو

صح اني قدمت . و الحين بعد الحشره بعدني سرت و قدمت في الدواير الثانيه اللي ماقدمتها

لكن كل شي نصيب

.

اللهم امين ومره ثانيه شكرا